Coñecendo a obra do escritor ANTÓN CORTIZAS

Os nenos e nenas de cuarto de Primaria lemos O merlo de ferro, un libro de Antón Cortizas. Os de terceiro están lendo A merla de trapo, e os de primeiro e segundo van ler Era unha vez na quimbamba, con poemas dese autor.

O merlo de ferro: 
Manuel, o ferreiro, un día decidiu facer un merlo de ferro. O seu merlo ía ter os ollos brillantes de dúas estrelas viaxeiras, peteiro dourado de raios de sol ben apertadiños, ás de nubes altas de treboada, patas de fíos do risco de vella con dedos de pingas de choiva, plumas de reflexos escuros de lúa nova e un corazón de carbón, redondiño e vermello coma o sol cando se agocha no horizonte.

Este tal chamado Antón Cortizas deu en nacer en Ferrol. Brincou canto puido e quixo, e quixo canto puido, e foi dando voltas ao maxín para vivir sete vidas coma un gato maragato, a penas con fantasía, e ademais ten moitas tías. Que máis vos direi? Que vén sendo coma un rei rodeado de princesas; se colle un peso lle pesa, cando ten sono deitase coma calquera mortal, e unhas veces dorme ben e outras veces dorme mal.

ANTÓN CORTIZAS asinou libros a todos os alumnos e a todas as alumnas de primaria.

Descarga: O PIRATA TRES PATAS, un poema de Antón Cortizas, recitado por Nerea e Inés (de 4º).